TIOLo companhiá de teatre La Rampa TIO presenta ongan (2017) un novèl espectacle : Vida Vidanta. Los tèxtes son de Joan Claudi Forêt.

L'ambicion del projècte es d'explorar « l’enòrma normalitat dels òmes e de las femnas que sèm », lo tot dins un encaminament teatral contemporanèu.

La companhiá prenguèt contact amb Joan Claudi Forêt, universitari, escrivan, emai apassionat de teatre e d’escritura teatrala. L'encontra capitèt e nos dona uèi Vida Vidanta o la vida de cada jorn.

Aquesta creacion, segon la presentacion que ne fa la companhiá, mòstra de scènas de vida que los òmes e las femnas i son confrontats, que sián joves, estudiants, adultes : interrogacions sus l’èsser, l’identitat, l’amor, la relacion a se, la relacion als autres, dins una societat que vanega, presa entre patrimòni e modernitat, entre caricatura e autenticitat.

Vida vidanta es un cabaret de situacions concrètas, contemporanèas, crudèlas de còps, comicas d’autres còps. L’umor, l’absurde, l’emocion assasonan de sequéncias, fòrça realistas. L'espectacle s'organiza al torn de peçòtas coma : Carta d’identitat, Mond invèrs, L’amor, çò que ne sòbra, Vidassa Vidanta...

Distribucion :

• Jòc : Viviana Allocco, Gilles Buonomo, Bruno Cecillon, Gaëlle Levêque
• Mesa en scèna : Jean Louis Roqueplan
• Visual : Fabrice Favel


Cultura, opinions...

Pòrtas dubèrtas a l'abadiá de Flaran
Pòrtas dubèrtas a l'abadiá de Flaran

Dins l'encastre de Total Festum lo dimenge 28 de mai de 2017 de 14h a 18h l'abadiá de Flaran dubrís las siás pòrtas. L'intrada es a gratis. L'eveniment es organi [ ... ]

Vida publica - Ont es la lenga nòstra ?
Vida publica - Ont es la lenga nòstra ?

Josiana Ubaud propausa sul sieu site internet lo document Mai ont a passat la nòstra lenga ? Dreça aquí un inventari del massacre cultural menat pels actors [ ... ]

Lenga : un òm que se pòt evitar
Lenga : un òm que se pòt evitar

Un article de Patrici Pojada dins la revista Lo Diari (numèro 14, junh de 2012) sus l'emplec en occitan de l'indefinit òm. Un òm que se pòt evitar - S’ausís [ ... ]

Autres articles

 
Sciéncias e tecnicas

Montpelhièr - ESA - Nanosatellits
Montpelhièr - ESA - Nanosatellits

12/05/17 - Lo Centre Espacial Universitari de Montpelhièr (CSU) ven d'èsser seleccionat per l'ESA (European Space Agency) per rejónher lo sieu programa Fly your Satell [ ... ]

Arqueologia - Usès
Arqueologia - Usès

Una importanta descobèrta arqueologica ven d'èsser facha a Usès (prima de 2017). Una mosaïca romana ben conservada es estada descavada alara que d'obrièrs trabalhava [ ... ]

Tolosa - Torre Occitània - Occitanie Tower
Tolosa - Torre Occitània - Occitanie Tower

15/03/2017 - Ven d'èsser desvelat lo projècte Occitanie Tower, la Torre Occitània. La siá construccion a Tolosa debriá èsser acabada per 2022. Es l'arquitècte a [ ... ]

Autres articles

 
Politica, economia...

Eleccions legislativas de 2017 - Partit Occitan
Eleccions legislativas de 2017 - Partit Occitan

Lo Partit Occitan presenta sos candidats e los candidats que sosten per las eleccions legislativas de 2017. Aquí çai sos la lista amb lo nom dels relevaires, la circ [ ... ]

Eleccions legislativas de 2017 lo PNO comunica
Eleccions legislativas de 2017 lo PNO comunica

Comunicat de premsa : Lo Partit de la Nacion Occitana presenta Jeròni Picas coma candidat a las eleccions legislativas del 11 e 18 de junh de 2017 dins la 8ena circ [ ... ]

Mètro de Tolosa - PNO
Mètro de Tolosa - PNO

14/05/17 - Lo Partit de la Nacion Occitana, a prepaus del la senhaletica dins lo mètro tolosan, sul sieu site, comunica. Extrach de l'article de Sèrgi Viaule : lo [ ... ]

Autres articles