occitanparis.com

Vida publica - Ont es la lenga nòstra ?

questionJosiana Ubaud propausa sul sieu site internet lo document Mai ont a passat la nòstra lenga ? Dreça aquí un inventari del massacre cultural menat pels actors de l'accion culturala en Occitània. Massacre que se complís en tota innocéncia, la boca en còr, e degun per se plànher. La desoccitanizacion es a s'acabar e Josiana Ubaud justament s'indigna.

AIEO - Congrès d'Albi - 2017 - Presentacion

aieo-ocDel 9 al 15 de julhet de 2017 se debanarà a Albi lo XIIen congrès de l'AIEO (Associacion Internacionala d'Estudis Occitans) : Fidelitats e dissidéncias. Dins sa primièra circulara (03/04/2016) l'associacion balhava qualques informacions sus l'eveniment.

Per un modèl mimetic del contacte de lengas - P. Sauzet

dupont-dupondUn article de Patric Sauzet dins Lengas (21, 1987, 103-120).

L'autor aicí desvela qualques idèas benlèu pas pro consideradas pels analistas, cronicaires, sociològs... sus lo perqué de la marginalizacion de la lenga nòstra en França, al delà del modèl erosiu e del modèl conflictual. Nos presenta lo concèpte de "violéncia mimetica". La volontat - de las institucions e dels occitans - d'escapar a aquel tipe de violéncia amena a l'abandon de la lenga. Abandon que ven solucion, solucion percebuda coma benefica per la societat occitana.

Lo barròc occitan

barroc-occitanLo site fabula.org presenta los comptes renduts del collòqui Tolosan del 2 d'octobre de 2015 sul barròc occitan. Presentacion :

A la fin dels ans 50, Robèrt Lafont apliquèt la categoria « barròc » a la producion literària en occitan dels sègles XVI e XVII.

Dimècres Universitaris Occitans e Catalans - 2016/2017 - Tolosa

duoc-2016-2017L'universitat de Tolosa-Joan Jaurés presenta lo programa 2016-2017 dels Dimècres Universitaris Occitans e Catalans (DUOC).

D’especialistas d’universitats francesas, europencas o americanas venon presentar lors darrièrs trabalhs sus la lenga l’istòria o la literatura occitanas e catalanas. Aqueles rescontres, dobèrts a totes, son organizats per l’Universitat Tolosa-Joan Jaurés (Seccion d’Occitan e Seccion de Catalan) amb lo sosten del CELO (Centre d’Estudi de la Literatura Occitana), del CREO-MP (Centre Regional per l’Ensenhament de l’Occitan en Miègjorn-Pirenèus) e de la Region.

Sus la lenga maori - Seminari 'Lengas e poders'

maori-lengas-podersLo primièr seminari Lengas e poders del 12 d'octobre de 2016 a l'Ostal d'Occitània a Tolosa portava sus l'istòria e sus la lenga de Nòva Zelanda. Los organizators ne publican lo resumit. Extrach :

La lenga [...], Te reo māori, fa part de l’ensemble de lengas maori de Polinesia (el meteis part del grand ensemble de las lengas autronesianas). Dins sas variacions dialectalas, demora encara pròcha de l’ensemble polinesian d’ont venián los primièrs estajants, vist que Tupaia, un òme de l’iscla de Ra’iatea qu’acompanhava Cook la posquèt comprene e la revirar mai o mens sul pic. [...]

Una politica sociolingüistica per l'occitan - Albi - 2016

albi-sociolinguistica-2016Lo dissabte 15 d'octobre de 2016 se debanèt a Albi lo collòqui : Una politica sociolingüistica per l'occitan, las governanças en question.

L'objectiu del collòqui èra d'estudiar los mejans de desvolopament d’una politica sociolingüistica en Occitània en favor de l’occitan, per permetre la subrevida e lo desvolopament de l'usatge de la lenga, que dempuèi vint ans los locutors primaris son a desaparéisser, la transmission familiala es interrompuda.

Blòg 'Lengas e poders'

lengas-e-podersJ. P. Cavaillé presenta lo blòg Lengas e Poders. I trobarètz los comptes renduts dels seminaris de l'annada 2015/2016.

Presentacion -  "L’annada escolara passada [2015/2016], a mon iniciativa, s’es dubert un pichon seminari (que demanda pas qu’a venir grand !) de forma e de nivèl universitari en occitan a l’Ostal d’Occitània de Tolosa, 11 rue Malcosinat. Mercegi en primièr l’Ostal per son acuèlh e son ajuda e totis los participants, e en particulièrs totis los que son vengut regularament animar e portar lor contribucion.

Sus la lenga occitana en 2016 - Florian Vernet

drapel-occitanDins lo present article, paregut en 2016, Florian Vernet presenta sas reflexions sus la situacion de la lenga occitana. Tòrna rapelar l'importància d'una lenga comuna estandard per favorizar los escambis entre occitans.

Entrevista de Alan Barthélémy sul Jornalet

13/02/16 - Lo jornalet gaseta occitana d'informacion, presenta una entrevista de Alan Barthélémy. Ensenhaire de letras classicas, èx-coordenaire de l’ensenhament de l’occitan dins las Bocas de Ròse, coautor amb Guiu Martin del Manuel Pratique de provençal contemporain (Édisud, 2000, reeditat en 2006).

Aquí, torna sus la situacion de la lenga en Provença, sul trabalh que faguèt amb Guiu Martin a Cucuron, sus son ròtle actual dins las associacions o mèdias provençals (Associacion per l’Ensenhament de la Lenga d’Òc, Aquò d'Aquí, IEO Provença-Aups-País Niçard, lo Forum d’Òc).