Made in "France" - Ives Roqueta - 1970 - IEO Edicion
Las annadas seissanta, un escrivan liure, aquò peta. L'autor afusta, tòca. Tot es viu. Una pròsa a despart, tres nòvas, Ives Roqueta.
Extrach p18 : "A cò de Schleswig los autres me dison qu'ai tòrt, qu'aquò's fòrça important de legir lo jornal : de Gaulle, Ben-Barka, lo Viet-Nam, Lecanuet-Plage, te sabi... Los daissi dire. Desempuèi l'Argeria - quora fasiàm la guèrra amb totas las porcariás de rigor e que puèi legissiàm sul jornal çò que se'n podiá dire - Figaro o Humanité aquò's quif-quif per ieu. Coma ditz Ives, aquò's un fons sonòr qu'acompanha l'eveniment. Pas Mai."
Extrach p50 : "Òm sap pas diguèt lo curat. Tant que quicòm es pas escrich, degun pòt pas saber çò que i aurà al fons. Escriure, pintrar, tota activitat artistica consitís a assumir un cèrt nombre d'azard. Ives ?
- Siái d'acòrdi. Empacha pasmens que Ferdin a rason. Deu èsser un raconte tot blanc. Quasi transparent, voide e objectiu. Dins lo fons s'es pas passat ren e pr'aquò valdriá lo còp d'èsser notat. A l'italiana o a l'americana : en plans precises, sens cap de fiorituras, tragicas o pintorèscas. Comprenes ?
- Compreni pas ren de tot.
E compreni totjorn pas. Simplament aquò s'es mes a me trevar - escriure, escriure, escriure - e ara siái aquí."
En mars de 2017 lo jornal Centre Presse dins sa rubrica en lenga occitana
Aital òc ! presentava lo libre d'Amanç Batut publicat pel Grelh Roergàs
De qué soscas, grand paire ?
Amanç Batut se soven e sosca...
« De qué soscas, grand paire ? » es la debuta d'una cançon de « Los de Sauvatèrra ».
Aquí qualques paraulas de la cançon ont lo felen demanda a son papeta : « Conta me, parla me de ton país... »
E lo grand-paire canturleja son conte...
Sortiguèt en febrièr de 2009 a las edicions Privat lo libre Pèire Godolin. Oeuvres complètes. L'edicion
es estada aprestada per Pèire Escudé.
Pèire Godolin – De las annadas 1600 fins 1649 ont morís, de la fin de l’umanisme fins a la
començança de la provincializacion, Godolin ten de cantar e de representar
l’imatge complèxe e multiple d’una societat tolosana, occitana, francesa,
en mutacion complèta.
Seguida del prefaci de Robèrt Lafont a La grava sul camin de Joan Bodon,
(Edicion de Roergue, Rodés 1988). Part IV.
La debuta es aquí :
[Primièra part] -
[Segonda part] -
[Tresena part]
L'estructura de La grava.
Vene de metre en rapòrt l'expulsion dau temps d'Alemanha e la composicion regulara de
La grava.
L'expulsion es un fach de regularitat. Exactament, de circularitat.
Lo capítol Waldenburg que duerp lo libre es, digam-o tornarmai, lo ponch
d'acabament dau periòde e trabalh forçat. Lei Rus arriban. Mai lo viatge fins Malarega
se fai lentament : i caudrà lei detz capítols.
La segonda partida, consacrada a l'existéncia anteriora de l'Enric, s'acaba, dins lo
capítol desen, Partissi, sus la frasa : « Sautèri sul vagon ».
Seguida del prefaci de Robèrt Lafont a La grava sul camin de Joan Bodon,
(Edicion de Roergue, Rodés 1988). Part III.
La debuta es aquí :
[Primièra part] -
[Segonda part]
De La grava a L'evangèli
Èra, la risca, çò qu'avèm dich, testimòni d'escàndol ? Tot comptat, de qué podiá Bodon
se'n faire reprovier ? De pas èstre estat « resistent » ?
La question me sembla reglada. D'aver presentat leis Alemands dins son umanitat viscuda ?
Èra ben çò mendre dins lo restabliment de justícia istorica, en 1956. D'aver denonciat lo
« tuar de Bòchas » ? Benlèu que se barrava la via dau succès devèrs una critica
encara dominada a senestra per la vulgata comunista. Mai dubrissiá dau meteis còp la via a
un retorn sanitós sus se dau entiment francés. De tot biais, lo vesem jamai mesclat ai rebombs
d'ideologia de la drecha petainista que mancan pas au començament deis annadas cinquanta. Es,
dins l'agach deis Avaironés, un mestre d'escòla de senestra, comunizant, que collabòra a
La Voix du Peuple.
Lo dimars 6 de febrièr de 2018 la societat SpaceX capitèt de mandar dins
l'espaci la primièra fusada Falcon Heavy dempuèi son spacepòrt de Cap Canaveral
en Florida.
Carga utila : lo cabriolet roge cerièisa d'Elon Musk,
fondator de la societat. Direccion : Mars o la cencha d'asteroïdas
del sistèma solar.
Aquela fusada es la mai poderosa mandada en orbit dempuèi las miticas Saturn
del programa american Apollo e l'Energia russa.
Foguèt a la davalada de 2016 que lo programa ERASMUS + « l'Educacion
al Desvolopament Durable dins nòstras lengas » debutèt a l’iniciativa de las conselhièras
pedagogicas d’occitan de l’Acadèmia de Montpelhièr.
Pilotat pel Centre interregional de desvolopament de l’occitan (CIRDÒC),
lo projècte reünís 7 partenaris a travèrs 4 regions europèas (Occitània, Val d’Aran,
Val d’Aosta e Piemont) dins las qualas 6 lengas son parladas :
l’occitan, lo francoprovençal, lo catalan, lo francés, l’espanhòl e l’italian.
Lo conselh general del departament d'Aude comunica :
Lo Departament d'Aude vous balha rendètz-vos per una sesilha d'escambis,
de discutidas e d'emergéncia collectiva lo dissabte 14 d'abril de 2018, de 9h a 14 h
a l'Ostal del Departament, sala Gaston-Deferre, a Carcassona.
L'occitan, aquò's una lenga, unes parlaires, una cultura, femnas e òmes…
L'occitan, es nosaus amassa !
Dins sas nòvas de novembre de 2017 la Chambra d'Òc propausava un article
de Giacomo Lombardo sus l'amassada que se tenguèt a Roma lo 22 de novembre de
2017 al subjècte de las minoritats lingüisticas del país.
Lo tornam publicar çai jos en occitan. Nos informa
sus las accions menadas aval.
Diversitat lingüistica en Itàlia : un patrimòni europèu.
Après d’ans d’abséncia lo 22/11/2017, a Roma, lo Departament per los Afars Regionals
e las Autonomias organizèt un encontre, portava sus las minoritats lingüisticas
e sus l’estat d’aplicacion de la lei 482/99.
Un reportatge de Tè Vé Òc suls
Rescontres de la cançon occitana (Ceucle Occitan de Mèsa).
Collòqui del 25/11/17 a Narbona Region Occitània : per una fòrça culturala occitana. Las vidèos.
