occitanparis.com

Presentacion

Aqueste site, Òc París, es dedicat a la vida occitana parisenca. Balha d'entresenhas sus las activitats ligadas a la lenga : lecturas, conferéncias, grops de discussion. Atanben trobaretz aicí qualques ligams vèrs de sites d'interès, blògs, editors, revistas...

La vida culturala a París s'organiza al torn de :

  • Los Amics de la Lenga d'Òc : Associacion felibrenca, organizan de conferéncias e de lecturas. Publican una revista " Lo vira solelh ".
  • Lo Club Occitan de Noisy le Grand organiza cada mes de conversas al torn de la lenga nòstra.
  • Lo Paname Occitania Studio organiza l'aperitiu occitan, que recampa dempuèi l'auton de 2007, cada dimars, los que vòlon parlar la lenga [ligam]
  • Lo CREO Talvera es l'associacion que recampa los professors d'occitans que son fòra d'occitània. En mai de l'ensenhament son d'aparaires de la lenga fàcia a las institucions academicas sovent reguèrgas.
  • Calabrun novèla associacion occitana a Rambouillet (78).
  • IEO París seccion parisenca de l'Institut d'Estudis Occitans
  • Lo CERÒC universitat París Sorbona e París IV. La siá tòca es de dotar la lenga d'òc (vièlha e modèrna) d'un ensenhament, dins l'encastre d'estudis comparatius sus las lengas romanas, aquò per cada nivèl del cursús universitari ; e tanben de promòure e d'organizar las recèrcas scientificas sus la lenga occitana [ligam]
  • Un cors de lenga, literatura e cultura occitanas se ten a l'Universitat de París 8 cada an. Profesors : Gui Matieu e Joan Fulhet.
  • Escòla Felibrenca de Cèus - adreça postala : Le Trianon 3bis rue Marguerite Renaudin 92330 Sceaux.

 


Istoric del site :

  • Octobre de 2008 - Creacion. Qualques fichièrs HTML a l'adreça occitan.paris.free.fr
  • Prima de 2010 - Refondacion del site, utilizacion del CMS Joomla 1.5
  • Agost de 2012 - L'adreça del site càmbia e ven occitanparis.com
  • Junh de 2014 - Renovacion. Passatge de Joomla 1.5 a Joomla 3.0
  • Octobre de 2016 - Lo site passa jos Joomla 3.6