ome-que-eriVincenzo Perez de l'Università degli Studi di Ferrara trabalhèt de 2015 a 2016 sul libre de Joan Bodon, L'òme que èri ieu. Occitanica presenta lo sieu memòri.

Dins aquel trabalh l'autor presenta la literatura occitana, lo sieu ròtle al còr de las letras europèas, balha qualques elements biografics sus Joan Bodon, analisa lo sieu rapòrt a l'escrich, torna sus la nocion de talvera.

pic-occitaniaLa region Occitània dins son magazine del mes de genièr de 2017 comunica sus la politica propausada per l'executiu en matèria de torisme. Los elegits an per ambicion de menar la region dins lo tòp 10 europèu de las destinacions europèas.

Un article de Robèrt Lafont publicat dins los Cahiers pédagogiques de l'Institut d'études occitanes, numèro 45, 3en trimestre de 1969, paginas 1-3. Reedicion Lenga e país d'òc, numèro 50, pagina 53 (04/2011). Ortografia modernizada.

Probable que i a dins totei leis esfòrç que fasèm dempuèi d'annadas per que l'occitan aga sa plaça justa dins l'Escòla, una languison de normalitat. Normau seriá un ensenhament coma leis autres, que se deguèsse pas conquistar a l'intrada de cada an e totei leis oras puèi, a la poncha d'una lucha còntra l'ostilitat, la mesfisança ò lo desinterès de l'Administracion, la concurréncia dei "matèrias assetadas", la pigresa escolara costumiera e l'immènsa inhorança entretenguda. Un ensenhament integrat ais emplecs dau temps, ai servicis, pagat dignament, sanccionat per d'espròvas d'examens. Integrat, òc ! Per aquò siam lèsts encara a d'annadas de paciéncia, de batèstas, d'amabilitats.

cirdoc-2Març de 2017. Lo CIRDÒC comunica.

Lo compte es bon

21 000 ! Es lo nombre de participants o de beneficiaris de l'ensemble de l'ofèrta del CIRDÒC en 2016 : usatgièrs de la mediatèca, publics de la programacion sus plaça e en defòra del CIRDÒC, visitors de mòstras, professionals o benevòls que benefícian de l'ofèrta d'estagis e talhièrs, cercaires e estudiants recebuts, etc.

panacea-montpelhierDins lo sieu magazine del mes de genièr de 2017 la vila de Montpelhièr presenta La Panacèa.

La Panacèa, un espaci pluridisciplinari

Tre 2017, La Panacèa ven un espaci proteiforma que presenta mantunas mòstras simultanèas de las arts contemporanèas, e bota en avant a cada còp lo trabalh d’un vintenat d’artistas.

projecte-vidasLo portal Vida presentat per Occitanica s'enriquís de contunh.

En 2014 dins los resumits del congrès de l'AIEO, Yan Lespoux (Universitat de Montpelhièr 3), Philippe Martel (Universitat de Montpelhièr 3), Marie-Jeanne Verny (Universitat de Montpelhièr 3) e Benjamin Assié (CIRDOC, Besièrs) comunicavan sul projècte.

Un otís de tria per melhor coneisser los actors de la literatura occitana, anciana o modèrna.

Lo projècte Vidas, qu'es aquò ? 

Qui son aqueles òmes e aquelas femna, escriveires, militants del Felibritge o de las tendéncias divèrsas de l'occitanisme contemporanèu (sègles XIX - XXI) que lo cercaire rescontra regularament, quand despolha de revistas o tròba en cò d'un boquinista o dins una bibliotèca un obratge que sap pas res, a priori, de son autor ?

TIOLo companhiá de teatre La Rampa TIO presenta ongan (2017) un novèl espectacle : Vida Vidanta. Los tèxtes son de Joan Claudi Forêt.

L'ambicion del projècte es d'explorar « l’enòrma normalitat dels òmes e de las femnas que sèm », lo tot dins un encaminament teatral contemporanèu.

aquo-d-aquiDins lo jornal de la vila de La Seina (La Seyne-sur-Mer) del mes de junh de 2016, Michel Neumuller presentava lo jornal provençal Aquò d'aquí.

aieo-ocDel 9 al 15 de julhet de 2017 se debanarà a Albi lo XIIen congrès de l'AIEO (Associacion Internacionala d'Estudis Occitans) : Fidelitats e dissidéncias. Dins sa primièra circulara (03/04/2016) l'associacion balhava qualques informacions sus l'eveniment.

dupont-dupondUn article de Patric Sauzet dins Lengas (21, 1987, 103-120).

L'autor aicí desvela qualques idèas benlèu pas pro consideradas pels analistas, cronicaires, sociològs... sus lo perqué de la marginalizacion de la lenga nòstra en França, al delà del modèl erosiu e del modèl conflictual. Nos presenta lo concèpte de "violéncia mimetica". La volontat - de las institucions e dels occitans - d'escapar a aquel tipe de violéncia amena a l'abandon de la lenga. Abandon que ven solucion, solucion percebuda coma benefica per la societat occitana.

divina-comedia-dante-1529Tornam publicar çai jos lo Tan m'abellis, tèxt de Dante Alighieri dins la Comedia, Purgatòri, cant XXVI.

Es Arnaut Daniel que declara (en occitan dins lo tèxt, grafia originala) :

carnavaletSul musèu Carnavalet un article de Gui Matieu dins la revista parisenca Lo vira solelh numèro 51, tardor de 2016.

Lo musèu Carnavalet

Lo musèu Carnavalet o l'istòria de París en eiretatge. Sos aquest nom un pauc enigmatic s'escond lo mai parisenc dei musèus de la capitala. Dogan dei musèus municipaus, Carnavalet a per vocacion de faire conéisser l'istòria de París, dempuèi leis originas lei mai luenchas (una piròga preïstorica data de 4600 avant J.C.) fins a l'ora d'ara e sos leis aspects lei mai variats.

Istoric per esséncia, Carnavalet es pasmens un musèu d'art que presenta mai que mai d'òbras originalas, fidèlas a l'engèni pròpri de París.

rasinA l'iniciativa de País Nòstre se tendrà lo dimecres 22 de febrièr de 2017 a Narbona un acamp sus la viticultura.

Los caps mèstres del vinhal lengadocian e rossilhonés son convidats per analisar e elaborar una estrategia comuna per promòure lor vin.

tramvai-4-montpelhierDins son magazine del mes d'octobre de 2016 la vila de Montpelhièr comunica sus la linha 4 del tramvai bilingüe francés/occitan.

A Montpelhièr, sus la linha 4, las anóncias de las estacions se fan en francés e en occitan.

castras-revoltesLo dissabte 25 de febrièr de 2017 a 14h30 se tendrà a Castras una conferéncia-diaporama sus las revòltas popularas que se produsiguèron en Occitània al cors dels darrièr sègles.

Se farà a l'ostal de las associacions sala Jeanne Cabrol. Serà animada per Raymond Ginouillac. Es organizada pel Centre Occitan del País Castrés.

encontres-depecheLo grop de premsa La Dépêche du Midi organiza sus l'annada 2017 Los Encontres d'Occitània (Les Rencontres d'Occitanie).

D'especialistas e actors de la region son convidats per escambiar e debatre sus de tematicas divèrsas : sciéncias, economia...

pais-nostre13/02/17 - L'associacion País Nòstre comunica :

1 - Lo burèu del movement País Nòstre ven de demandar (febrièr de 2017) un rescontre de trabalh a la presidenta de la Region Occitanie, Carole Delga.

L'escasença de faire lo punt sus de dorsièrs coma la politica economica e culturala de la region e lo projècte Produch en Occitània.

archius-occitanEn collaboracion amb l'IEO, los archius de Carcassona organizan del 14 de febrièr de 2017 al 30 de junh la mòstra Occitan, Occitanie.

L'expausicon vos convida a descobrir la lenga, son istòria, los movements culturals ligats dempuèi de sègles a la lenga occitana.

ostau-dau-pais-marselhesLo dissabte 4 e lo dimenge 5 de març de 2017, après lo succès de l'edicion de 2016, l'Ostau dau País Marselhés torna organizar un estagi immersiu d'occitan.

L'estagi es destinat a totes los que coneisson un bocin la lenga e que vòlon melhorar lor parlar.

La lenga occitana serà lenga de referéncia sus los dos jorns, lenga de comunicacion, amb per objectiu de crear un vertadièr banh lingüistic.

carcassoneL’Ostal Sirventés de Carcassona aculhirà dimècres 8 de febrièr de 2017 la primièra assemblada dels legeires de Jornalet de l'annada, dins l’encastre de las Febrejadas.

Se tracta d’una reünion dobèrta ont lo capredactor d’aqueste jornal en linha explicarà son trabalh de cada jorn, lo foncionament del mèdia, e escotarà totas las opinions dels legeires que participaràn a l’assemblada.