paul-froment Dins lo libre que Marceau Esquieu consacrèt a Paul Froment, Lo libre de Paul Froment (1986), Joan-Pèire Tardiu presentava lo poèta. Aquí lo sieu tèxt.

Paul Froment, poèta d'univèrs

Al cap d'aquestas annadas pels camins de la lenga e de la civilizacion d'òc, quand, de còps que i a, l'espèr ven a mancar, tòrni legir quauques vèrses de Froment. Sabi alavetz que trobarai dins quauquas regas, dins quauquas flors de prima del poèta-vailet, plan mai meritosas que lor quite nom, la certitud que dins d'endevenanças de malastre, de misèria culturala fonsa, pòdon nàisser pr'aquò las paraulas pus justas.

Los dimècres universitaris occitan e catalan se tendràn coma l'an passat a Tolosa a l'Ostal d’Occitània (11 carrièra Malcosinat M° Esquiròl). La dintrada es liura. Las conferéncias son en francés, en occitan o en catalan.

Joan-Francés Courouau qu'organiza aquel cicle, a la debuta del papieron de prensentacion fa lo punt :

Albuga.info, mèdia perigordin, publica sul sieu site una presentacion del jumelatge entre lo vilatge d'Albuga e lo de Marckolsheim en Alasàcia.

Los ligams entres aquelas doas localitats remonta a 1939. Extrach :

Quitar son Alsàcia, sa maison, totas sas referéncias, e se retrobar dins lo Perigòrd Negre enquera plan rural de las annadas 40 fuguèt pas tot-parier una escorreguda toristica per los 80 000 Alsacians condamnats a l'exòde en Dordonha lo 1ièr de setembre 1939, jorn de l'invasion de la Polónia per l'Alemanha. D’autant que lor sejorn durèt pas una setmana mas ben una annada, jusca en octobre 1940, data de lor retorn dins lo camp de roïnas qu'èra vengut entre temps lor vilatge, Marckolsheim, situat per son malaür al còr de la zòna dels combats.

Annia Pla e Irena Pradal de l'institut APRENE de Besièrs, presentavan en julhet de 2017 a Albi, pel XIIen congrès de l'AIEO, lor trabalh d'experimentacion pedagogica : ipotèsis cooperativas cap a la pertinéncia educativa dels dispositius d'avaloracion a l'escòla elementària.

Resumit (sorsa AIEO) : Las regentas e los regents de las Calandretas, al dintre de l'establiment APRENE menèrem dempuèi la debuta d'experimentacions per avalorar (dins lo sens de donar de valor) los escolans e los estudiants.

Lo trabalh en pedagogia institucionala nos butèt de longa a questionar las modalitats d'avaloracion dels calandrins e dels calandrons e a adaptar tecnicas e institucions que cambièron la dinamica de las formacions.

Un article de Robèrt Lafont dins la revista Lo Lugarn numèro 69 (automne de 1999). L'autor aicí torna sus un article d'Ives Gorgaud publicat dins la revista precedenta, Lo Lugarn numèro 68. Li sembla important de clarificar qualques punts sus l'istòria de l'occitanisme, sul Felibrige, e l'accion de sos membres.

De 1926 à 1999 : rampèu a la rason occitana

Pòde pas laissar passar sens precisar d’unei ponchs, aquelei que son de ma coneissença, l’article un pauc fantasmatic (que m’escuse !) d’Ives Gorgaud. O fau d’aitan mieus que siau d’acòrdi amb toteis aquelei que pensan que l’aventura occitana ven d’intrar dins una fasi nòva, qu’apelère lo Temps Tres, amb un pauc de quicha dins l’avança (1991), ont l’apesason es l’establiment d’una veritat sus lo passat. Es d’alhors per aquò que vène de publicar Pecics de Sègle, ont dise tot justament de causas que sabe e que lei pus joves ignòran generalament.

Los actes del XIen congrès de l'Associacion Internacionala d'Estudis Occitans que se debanavan a Lhèida en 2014 son disponibles.

Lo tèma del congrès èra : Occitània en Catalonha : de tempses novèls, de novèlas perspectivas. Los tèxtes son editats per Aitor Carrera e Isabel Grifoll.

L'IEO de Rodés comunica : L’IEO 12 vos convida al encontre « A la descòberta d'una òbra », lo dimècres 4 d'octobre de 2017, a 18 oras a l’Ostal de las associacions, Av. Tarayre, Rodés, sala 108 (1èr nivèl).

Murtre a l'avescat, es una BD de Daniel Faribeault, Jean-Christophe Vergne e Joan-Loís Cortial per la revirada occitana (edicion Y.I.L. 2017).

sorethSeminari Lengas e Poders, sesilha 4 (març de 2017) Joan Sibille, presentèt la lenga soreth e pausava la question : lo soreth una lenga en dangièr ?

L'autor aprofechèt d'aquel seminari per presentar la lenga aramèa modèrna. Extrach :

L’aramèu es una lenga semitica. Fa partida del grop de las lengas semiticas del Nòrd-Oest amb l’ebrèu e d’autras lengas uèi disparegudas : fenician, amorrita, cananean, ogaritic. [...]

Un article de Miquèu Salducci dins l'Armanac de Mesclum de 2004 sus l'istòria dels canals e lo problèma de la gestion de l'aiga a Marselha al sègle XIX.

 

L'Ostau dau País Marselhés comunica : Es amb un plaser mai que grand que l’Ostau dau País Marselhés presenta la promièra edicion d’un festenau pròpri de lenga e de musicas occitanas « Lo Festenau dei 3 Lunas ».

Ferroul et Albert en meetingUn article d'Ives Séguier sus la revòlta dels vinhairons de 1907 en Lengadòc.

Es estat publicat dins la revista Camin d'Estiu numèro 97 (revista de l'Escòla Occitan d'Estiu de Vilanòva d'Òlt).

camin-forestUn article de Cristian Rapin. Sorsa : Lo Lugarn numèro 82.

Dètz contes de Bodoisson per Andrieu Mateu

Sèm dins lo mond del conte. Tradicional ? Dins una larga mesura. L’autor fai, d’efècte, apèl a sa memòria, es a dire que s’esperfòrça de tirar de l’oblit de contes ausits dins las velhadas, los quals devián lor existéncia a una transmission ininterrompuda dempuèi sens dobte una cordelada de sègles.

Lo 9 de mai de 2017 a Lagulhac de Cercles Monica Sarrasin recebiá lo prèmi Jaufre Rudèl per son òbra D'entre tant, quauques uns pareguda en 2016 al Chamin de sent Jaume.

Tornam publicar çai jos la presentacion que fasiá Denis Gilabert d'aquel eveniment sul blòg Rubrica en Òc :

Lo 15 e lo 16 de setembre de 2017 en ligam amb las Jornadas Europèas del Patrimòni e per favorizar l'encontre del public jove amb las òbras, los artistas e las culturas d’Occitània, lo CIRDÒC de Besièrs dobrís sas pòrtas.

Lo Centre Occitan Ròcaguda (COR) d'Albi comunica :

Lo patrimòni lingüistic de l'occitan comença, per los qu'an un pauc (o completament) perdut son usatge, amb los sovenirs de joinessa, los parents, los pairins e tot lo vesinat de son enfança ; tornar prene contact amb el pòt començar per un partatge de son viscut amb d'autres, convivialament, pel plaser e tanben per tornar trapar los mots e l'usatge de la lenga.

Lo 17 de setembre de 2017 se tendrà la detzena edicion de la manifestacion Chantar e dançar a Ostana. L'idèa es simpla : passar una jornada en companhiá de la lenga e de la cultura occitana a travèrs lo cant e la dança.

La jornada es pas dedicada a d'especialistas, mas a totes los que vòlon descobrir simplament la lenga e lo cant.

Jordi Ortiz de Antonio per la Generalitat de Catalonha presentava al XIIen congrès de l'AIEO a Albi (julhet de 2017) una reflexions a l’entorn d’una pedagogia propedeutica sus la lenga occitana pels professors de primari e segondari en Catalonha.

Nos assabenta sus l'estat de l'ensenhament de la lenga en Catalonha. Aquí lo resumit de sa presentacion (sorsa AIEO) :

L’occitan, lenga pròpria d’Aran e oficiala en Catalonha tota, se regulariza a l’ora d’ara, dins lo domeni educatiu, sonque pel biais del Currículum der aranés (1998), un plan d’estudis oficial restacat a l’airal geografic e dialectal aranés, e en aranés, en questions de lenga e literatura.

L'Institut d'Estudis Occitans d'Aude organiza a Carcassona l'eveniment Escritura 2017. Un moment de rescontres e d'escambis centrat mai que mai sus la literatura occitana o los libres sus Occitània.

La manifestacion se dobrirà a l'Ostal Sirventés (79, la Trivala a Carcassona), lo dijòus 31 d'agost, a 18h30 amb l'estrena de la mòstra Las Musas de 2017 e de las òbras del Grop Aqüarèla del Cercle Occitan del País de Carcassona.

Tè Vé Òc es un site internet que propausa de reportatges en occitan. Es bailejat per Lisa Gròs.

Una emission de 13 minutas, nomada Lenga d’Òc, es realizada cada setmana.

Aqueles reportatges son bastits sus d’accions culturalas o economicas menadas principalament dins Gard, Eraut, Bocas de Ròse, mas, tot còp, la còla encargada de sa realizacion pòt anar mai luènh.

Lo CIRDÒC-Mediatèca Occitana lança un apèl a comunicacions e contribucions per las jornadas d’estudi que se tendràn a l’escasença del 90en anniversari de la creacion del Collègi d’Occitània lo 8 e 9 de decembre de 2017 a Castèlnòu d'Arri :

Creat a Castèlnòu d'Arri per Prosper Estieu e Josèp Salvat en 1927, lo Collègi d’Occitània joguèt un ròtle màger dins l'afirmacion de la modernitat occitana al sègle XX e prefigurèt los combats e questionaments de l’occitanisme contemporanèu coma los que portavan sus lo sistèma grafic, l’importància de la vitalitat literària, la contra-lectura de l'istòria de França, l'innovacion pedagogica e la fraternitat occitano-catalana.