14/05/17 - Lo Partit de la Nacion Occitana, a prepaus del la senhaletica dins lo mètro tolosan, sul sieu site, comunica.
Extrach de l'article de Sèrgi Viaule : lo Partit de la Nacion Occitana demanda que los noms de las estacions de la tresena linha lèu en bastison, sián marcats en occitan. Aquò per mantunas rasons.
05/05/17 - En Marche ! lo movement d'Emmanuel Macron candidat a l'eleccion presidenciala de 2017 en França ven de respondre a las questions des las associacions, federacions e organismes qu'interrogavan los candidats sus las problematicas lingüisticas.
Extrach : « Comme il a déjà été dit au « Réseau Européen pour l’Egalité des langues », nous vous confirmons que Emmanuel Macron considère la reconnaissance des langues de France, langues régionales, comme l’un des vecteurs de l’unité de la nation. Le patrimoine culturel et linguistique de nos territoires enrichit notre pays. C’est pourquoi il a porté une attention particulière à votre requête et tient à y répondre favorablement.
30/04/17 - L'IEO comunica :
Dins aquesta passa electorala, presidenciala coma legislativa, l'Institut d'Estudis Occitans, estacat ai valors umanistas e democraticas que son sieunas dempuèi sa fondacion, s'opausa a una vision barrada e passadista de la Republica.
Lo Movement País Nòstre aprèsta las eleccions legislativas del mes de junh de 2017.
De debats amb los candidats se faràn. L'objectiu es de discutir las politicas que preveson de metre en plaça :
18/04/17 - Comunicat del Partit Occitan :
La preséncia de 11 candidats a l’eleccion presidenciau que poderé deishar créder que l’auhèrta de causida ei rica. Que consideram que n’ei pas lo cas.
Lo centralisme mediatic s’ei apoderat aquera eleccion e l’aparenta diversitat de las candidaturas masca ua cèrta uniformitat.
12/04/17 - La societat occitana Smoove basada a Sant Gèli del Fesc al raz de Montpelhièr ven d'èsser causida per remplaçar JCDecaux per gerir los Velibs de París. La gestion se farà al dintre del gropament Smoovengo en collaboracion amb Indigo.
05/04/17 - En seguida d'una procedura iniciada per de la societat roergata "Forge de Laguiole", la cort de justícia de l'Union Europèa ven d'anular al nivèl de l'Union la marca "Laguiole" depausada per l'entreprenaire de la region parisenca Gilbert Szajner en 1993.
Aquò val sonque pels produches ligats a la cotelariá e a las arts de la taula.
02/04/17 - Lo Partit de la Nacion Occitana comunica :
Lo Partit de la Nacion Occitana apèla pas a votar per cap dels 11 candidats al primièr torn perque reconeis pas sas reivindicacions màgers dins lors orientacions.
L'Union s'estrechonís un briat. Lo dimecres 29 de març de 2017 lo govèrn del Reialme Unit via son ambassador Tim Barrow, a notificat oficialment a Donald Tusk, president del Conselh Europèu, la siá volontat de sortir de l'Union Europèa.
Se dubrís ara un periòde de negociacions que pòt durar fins a dos ans. Aquelas negociacions auràn per tòca de precisar las condicions de sortida.
30/03/17 - L'ELEN (European Language Equality Network) e l'IEO (Institut d'Estudi Occitan) an adreçat als candidats a l'eleccion presidenciala una letra.
La tòca es d'aver lo posicionament de cadun rapòrt a las lengas minorizadas en França metropolitana e d'otramar.
19/02/17 - La presidenta de la region Occitània, Carole Delga, e lo president de la Generalitat de Catalonha, Carles Puigdemont, an signats lo 19 de febrièr de 2017 a Narbona, a una letra d'intencion entre las doas institucions.
Aquela letra prefigura un accòrd que debriá èsser signat dins l'estiu.
La Region Occitània ganhèt entre 2008 e 2013, segon l'INSEE, mai de 50 000 estajants per ans.
Signatura a Tolosa per la ministra de l’Educacion Nacionala, Najat Vallaud-Belkacem, de la convencion quadre per l’ensenhament de l’occitan.
En 2017 la FELCO comunicava sus l'activitat dels deputats occitans a l'Assemblada Nacionala, especialament sus lors presas de paraula en rapòrt amb de tematicas lingüisticas.
Lo 17 de decembre de 2016 davant lo MUCÈM a Marselha, a l'initiativa de Danís Capian, qualques occitans manifestavan per demandar que la lenga occitana siá emplegada per la comunicacion del musèu que presentava alara l’article catòrze de la Declaracion Universala dels Dreches Umans. Aquela èra escricha dins mantunas lengas, pas en occitan.
21/11/16 - Lo departament de Tarn signèt una convencion amb lo CIRDÒC - Pòl associat a la Bibliotèca Nacionala de França (BNF), lo CIRDÒC es una mediatèca publica especializada sul patrimòni occitan. Salvagarda e valoriza mai de 150 000 òbras, met a disposicion de sos partenaris mòstras e suspòrts d'informacions, assegura tanben de formacions professionalas pels bibliotecaris.
14/11/2016 - En seguida de la decision del municipi de la comuna de Besièrs e de son cònsol màger Robert Ménard, d'arrestar de finançar lo CIRDÒC, l'associacion Iniciativa per Occitània comunica.
Lo Centre Interregional de Desvolopament de l’Occitan (CIRDÒC) a Besièrs es un establiment public gerit per un sindicat mixte dobèrt. Es installat dins lo quartièr universitari de Besièrs, dins un bastiment modèrne de 900 m2.