occitanparis.com

La societat Smoove ganha lo mercat dels velibs parisencs

smoove12/04/17 - La societat occitana Smoove basada a Sant Gèli del Fesc al raz de Montpelhièr ven d'èsser causida per remplaçar JCDecaux per gerir los Velibs de París. La gestion se farà al dintre del gropament Smoovengo en collaboracion amb Indigo.

Tolosa - Torre Occitània - Occitanie Tower

occitanie-tower15/03/2017 - Ven d'èsser desvelat lo projècte Occitanie Tower, la Torre Occitània. La siá construccion a Tolosa debriá èsser acabada per 2022.

Es l'arquitècte american Daniel Libeskind que ne serà l'autor. Farà 150 mètres de nautor. Situada còsta la gara ferroviara Matabiau participarà al dinamisme del quartièr. Aculhirà de burèus, una ostelariá, de comèrcis e d'abitacions.

1247 bòrnas per tornar cargar las veituras electricas en region Occitània

carga-veitura01/2017 - Segon l'ADEME, amb per objectiu de desvolopar los veïculs electrics e respondre aital al enjòcs de la transicion energetica, la region Occitània devriá èsser equipada entrò a la fin de 2017 de 1 247 bòrnas per tornar cargar las veituras electricas.

Vahana - Airbus - Novèl veïcul

vahana-airbusLo grop industrial europèu Airbus trabalha sus una nòva categoria de veïcul, lo Vahana, mena d'ibrid entre avion a elice e drone.

Vahana en sanscrit designa l'èsser o l'objècte que veïcula una divinitat, divinitat que, plan sovent, lo vahana simboliza.

Hyperloop Transportation Technologies a Tolosa

HyperloopTT24/01/17 - La societat californiana Hyperloop Transportation Technologies s'installarà a Tolosa, sul site de l'anciana basa aeriana de Francazal. L'acòrd entre l'entrepresa (Dirk Ahlborn e Bibop G. Gresta), la region Occitània (Carole Delga), la metropòla de Tolosa, e lo prefècte de la region es estat signat lo dimars 24 de genièr de 2017 a Tolosa.

Framadate

framadatePer organizar una reunion via internet o prene de decisions rapidament e simplament, es estada concebuda l'aplicacion Framadate.

Es liura e disponibla en occitan, cap d'inscripcion es pas demandada.

Agricultura urbana a París

salades2016 - A París una societat Toit tout vert s'aprèsta a dubrir una sèrra per far créisser de legums. D'autres projèctes d'aquela mena existisson endacòm mai coma lo de Ferme Urbain Lyonnaise a Lion ont una equipa trabalha dempuèi d'annadas

Torisme espacial

terra-nuechMai de 2016. Ont ne sèm ? En 2001 Dennis Tito via las societats MirCorp (Russia) e Space Adventure (EU) devenguèt lo primièr toriste espacial. Passèt uèch jorns al dintre de l'ISS (International Space Station). Dempuèi, qualques companhiás s'activan. Vòlon prene posicions e far créisser aquel mercat prometor, mas las constrenchas tecnologicas associadas a aquel tipe de viatge son nombrosas e de mal mestrejar.

Aterratge del New Shepard

new-shepard-landing02/04/16 - Lo pichon vaissèl New Shepard de la societat Blue Origin de Jeff Bezos's ven de capitar pel tresen còp son aterratge. Mai que la capsula, los motors son estats recuperats.

Flawless BE-3 restart and perfect booster landing, es lo tweet que mandèt Sénher Bezos dissabte de matin.

Lo nom del vaissèl New Shepard es un omenatge a l'astronaut Alan Shepard, primièr american, en 1961, a èsser anat dins l'espaci.

Aqueles tres successes dubrisson a la companhiá lo camin del torisme espacial. La capsula debriá poder conténer sièis astronautas. La preocupacion primièra dels conceptors es de s'assegurar de la fiabilitat del veïcul.

Industria minièra espaciala

planetary-resources-asteroid-3d-print07/01/16 - La societat Planetary Resources, que son ambicion es de desvolopar l'explechacion de las matèrias primièras dins l'espaci (metals, aiga, idrogèn, oxigèn...), ven d'estampar en tres dimensions un objècte a basa de polvera d'asteroïde.

L'objècte far 2,5 centimètre sus 8,7 e pesa 250 gramas.