Ven de sortir (2014) lo libre Cançons del cap del pont darrièra publication del grop La Talvera.
Recampa los collectatges efectuats per Gabriel Soulages (1838-1903) a Albi, quartièr de La Madeleine : « al cap del pont ».
Lo libre es accompanhat d'un CD de 22 títols.
Cançons del cap del pont + CD, CORDAE/La Talvera, 2013, 25 èuros.
Roges Nivolasses es un roman policièr de Cristian Chaumont publicat per
IEO-Edicion en 2010. Après l'incendi d'una bòrda al Puèg del Planòl en país carcinòl,
l'enquèsta comença que l'acte es criminal !
Cristian Chaumont nascut en 1937, retirat a Narbona se consacra a l’escritura. Es tanben l'autor d'Autan Negre (2016) e de Abelhas e Forselons (2018). Los dos son estats publicats per l'IEO de Lengadòc.
Traucs dins lo nonrés de Felip Carbona
(PyreMonde edicion, 2005, 74 paginas).
Presentacion : Felip Carbona nasquèt en 1944 a Foix, breç enrodat de las montanhas pirenencas. Las quitèt pro lèu, trop lèu. Los estudis acabats, tornèt a Bordèu, puèi a Tolosa, vilas universitàrias pus vesinas de las montanhas de son còr.
Letras d'Òc publiquèt en 2017 l'adaptacion per Andrieu Lagarda dels
racontes mai coneguts del famós Roman de Renart. Dins una lenga blosa e
aisida, descobriretz totas las rusas de la mandra e los torns que jòga a
son compaire, lo lop Isengrin.
I tornaretz trobar tanben lo corbàs Tiecelin e son formatge saborós, lo poton de patz de Rainard e de la mesenga, las caças del rei Nòble, lo leon, Cantaclar lo pol tant fièr coma finòt o lo panatòri de las anguialas e dels cambajons.