l'Agéncia Europèa dels Medicaments (AEM) indiquèt dimars 12 de genièr de 2021 que la societat AstraZeneca li aviá mandat una demanda d'autorizacion per son vaccin.
Aquel vaccin desvolopat amb la collaboracion de l'universitat d'Oxfòrd es ja autorizat e emplegat al Reialme Unit.
Pel moment sols dos vaccins contra la covid-19 son autorizats dins l'Union Europèa, lo de Pfizer e BioNTech e lo de Moderna.
Contrariament a son dos concurrents, lo vaccin d'AstraZeneca es dich a vector viral e non pas a ARN messatgièr. Aquò ne rend son emplec mai aisit e es mens car de produsir.
L'AEM se podriá prononciar lo 29 de genièr en foncion de la donadas recebudas.
Las campanhas de vaccinacion an debutadas d'en pertot dins l'Union lo 27 de decembre de 2020 e la mesa a dispausicion de diferents vaccins permetrà de las melhor organizar.