Lo nombre total de personas aguent recebuda una primièra dòsi de vaccin contra la malautiá dicha covid-19 s'amontarà al mièg del mes d'abril de 2021 a dètz milions.

Calguèt per aquò far, tres meses e mièja. L'accion dels professionals de la santat foguèt limitada principalament en rason de la manca de vaccins.

Lo govèrn francés reafirmèt recentament los sieus objectius en matèria de vaccinacion.

Pel quinze de mai l'objectiu es d'aver injectat una primièra dòsi a almens vint milions de personas. Calrà donc en un mes, del 15 d'abril al 15 de mai, far çò que s'es fach en mai de tres.

Pel quinze de junh l'objectiu es d'aver injectat una primièra dòsi a almens trente milions de personas.

Per téner aqueles objectius, de centres novèls, diches vaccinodròms, son a se dubrir pertot sul territòri. De mai lo vaccin de la societat Johnson & Johnson tre la fin del mes d'abril vendrà completat l'ofèrta.

A la debuta del mes d'abril sonque tres vaccins son emplegats. Los de Pfizer/BioNTech, Moderna e AstraZeneca.