En junh de 2021 se debanaràn sul territòri francés d'eleccions regionalas.

Lo divendres 7 de mai los principals partits de l'esquèrra provençala an anonciada la creacion d'una lista comuna nommada Le rassemblement écologique et social.

Serà capdelada per Jean-Laurent Félizia. Aquest declarèt : « Es un moment inedit, quasi istoric, de poder remosar los ecologistes e l'esquèrra. »

Sostenon aquesta lista : lo Parti socialiste (PS), lo Parti communiste (PCF), Europe Ecologie les Verts (EELV), lo movement de Benoît Hamon, Génération·s, Génération écologie (GE) e lo Mouvement des progressistes (MDP).

La France insoumise (LFI) de Jean-Luc Mélenchon es absenta. Una lista concurenta se podriá montar faça a aquela union.

Las listas an fins al 17 de mai per èsser depausadas en prefectura.