Lo 6 de mai de 2021 los escoceses tornavan elegir lor parlament, Holyrood. Los resultats definitius son estats anonciats lo dissabte 8 de mai.
Segon la primièra ministra Nicola Sturgeon, tornarmai elegida : « Lo pòple escocés votèt per donar als partits pròindependéncia una majoritat al parlament escocés. »
Lo Scottish National Party (SNP) obtenguèt 64 sètis sus 129. Es pas qu'a un sèti de la majoritat absoluda.
Pòt comptar suls Vèrts escoceses que an uèch sètis e que son tanben pròindependentistas per l'ajudar a far pression sus Londres per qu'organize un referendum sus l'independéncia d'Escòcia.
Boris Johnson, primièr ministre del Reialme Unit, s'opausa a un tal referendum. Considèra qu'una tala votacion se pòt organizar « qu'un còp per generacion ».
La darrièra consultacion data de 2014.