Thierry Breton comissari al comèrci exterior, declarèt dimenge 9 de mai de 2021, que la Comission aviá pas renovelat pel moment sa comanda de vaccins anticovid-19 al prèp d'AstraZeneca.

La societat AstraZeneca non liurèt pas a l'Union las dòsis previstas pels contractes passats çò que perturbèt la campanha de vaccinacion.

Demai lo vaccin a vector viral que produsís pòt provocar de trombòsis.

Las institucions europèas comptan puslèu suls vaccins a ARN messagièr. Dos tipes son ja emplegats : lo de las societats Pfizer e BioNTech, e lo de la societat Moderna.

Ursula von der Leyen anoncièt lo 8 de mai qu'una comanda de 1,8 miliards de vaccins èra estada passada al prèp de Pfizer e BioNTech.

Thierry Breton tornèt afortir l'objectiu de l'Union de provesir als Estats pro dòsis per poder vaccinar 70 % de la populacion mi-julhet.