Son previstas per demandar « l’occitan cada jorn a la television » divèrsas accions organizadas pel Collectiu Occitan.
Dos aperitius reivendicatius son prevists dimècres 23 de novembre a 12h davant los sites de France 3 de Montpelhièr e de Tolosa.
Exactament :
- Dimècres 23 de novembre a 12h aperitiu reivendicatiu a Fr3–Montpelhièr, 10, Allée John Napier, prèp de l’avenguda Mendés-France.
- Dimècres 23 de novembre a 12h aperitiu reivendicatiu a Fr3-Tolosa, 24, camin de la Cepièra (prèp de l’ipodròm).
Creat en 2019 lo Collectiu Occitan organiza regularament d'accions per butar los poders publics a propausar mai de programas en lenga occitana a la television.
Es sostengut per : Convergéncia Occitana, l'IEO (OPM), lo CRÈO, la Confederacion Calandreta, lo Felibritge, Lo Congrès, lo Partit Occitan, EELV Occitània, País Nòstre, lo Partit de la Nacion Occitana, Bastir Occitània e Macarèl.
