Al mes de genièr de 2023 lo conse de Rodés, Christian Teyssedre, comunicava sus l'Estivada : se fariá pas pus. En reaccion a aquela decision se fondèt lo collectiu Gardarem l'Estivada. Aqueste en julhet de 2023, comunica.
Reünion del collectiu Gardarem l'Estivada
Lo collectiu Gardarem l'Estivada vos balha rendètz-vos lo divendres 21 de julhet !
Dempuèi prèp de 30 ans, aviam costuma de nos acampar a aquesta epòca a l'entorn de la cultura e la lenga nòstras. Ongan, sèm totas e totes orfanèls de nòstre festenal. Perque pensam que pòrta en ela las valors umanistas que presam e una vision d'una cultura plurala d'avenidor, vos prepausam de nos amassar nombrosas e nombroses lo divendres 21 de julhet a Rodés, al jardin public que nos aculhiguèt tantas annadas :
- 14h00 : Amassada Generala constitutiva d'una associacion de prefiguracion dubèrta a totas las bonas volontats ;
- 16h00 : aficatge en vila per anonciar lo forum ciutadan e festiu qu'organizarem a Rodés al mes d'octobre de 2023 ;
- 19h00 : pica-mica festiu e partejat al jardin public ;
- 20h30 : presa de paraula e balèti en scèna dubèrta.
Per facilitar l'organizacion, vos mercejam d'anonciar vòstra participacion a aquesta jornada en mandant un mail a collectifgardaremlestivada [at] gmail.com o per nòstra pagina facebook.
Lo collectiu Gardarem l'Estivada