Se tendrà lo 30 de junh en França lo primièr torn de las eleccions legislativas. Per l'ocasion lo Partit de la Nacion Occitana (PNO) comunica.
Lo Partit de la Nacion Occitana e lo 1èr torn de las eleccions legislativas
Pel primièr torn de las eleccions legislativas, lo 30 de junh, lo Partit de la Nacion Occitana crida bèl primièr a votar pels candidats que presenta a saber :
– Sylvie BONNEMAISON e Sèrgi VIAULE (son suplent) dins la 5na circonscripcion de Nauta Garona.
– Patrice CUQUEL (Bastir Occitània) e Janine CAZES (PNO), dins la 1ra circonscripcion d'Òlt e Garona.
– Dominique DARROZES (Bastir Occitània, PNO, Lo Bornhon ciutadan) e Audrey SCHICK, suplenta, dins l'8na circonscripcion de Nauta Garona.
Crida egalament a votar pels 5 autres candidaturas Bastir Occitània aital coma per Gérard Lenfant, lo candidat Jean Lassalle de la segonda circonscripcion d'Aude.
Lo PNO sosten totas las autras candidaturas occitanistas verificadas, sustot las del Partit Occitan, tot en deplorant que i aja pas agut de demarcha unitària per totas las candidaturas occitanistas.
Lo PNO crida los electors occitans votant dins d'autras circonscripcions ont i a una candidatura regionalista a votar per ela, sustot las candidaturas presentadas pel PNB-EAJ (Partit Nacionalista Basc) o pel Partit Breton.
Dins las autras circonscripcions, pel primièr torn, lo PNO crida a votar, per una candidatura susceptibla de far barratge a l'eleccion d'un candidat extremista partisan de l'imperialisme jacobin francés que s'agisca del RN o del NFP, a l'excepcion eventualament dels candidats que se desmarcarián de las presas de posicions piègers d'aquela dralha e sens renviar esquina a esquina l'Union de las Drechas e lo Novèl Front Popular e sens s'alinhar sus l'èx-majoritat presidenciala relativa d'Emmanuel Macron.
Senon, lo PNO rampèla la possibilitat d'un vòte nul en inscrivent Occitània liura sul bulletin.
En foncion dels resultats del primièr torn, lo PNO publicarà sas consignas de vòte pel segond torn per via de comunicat.
Comunicat de premsa del PNO
23 de junh de 2024