La presidenta de la Region Occitània, Carole Delga, anoncièt lo 10 de setembre de 2024 que seriá organizat a Tolosa en 2026 un « Bourget » de l'espacial. Aquel salon novèl se tendrà cada dos ans en alternança amb l'istoric salon del Bourget dedicat a l'aeronautica.
Los actors dels sector espacial èran entrò ara essencialament publics. Aquela epòca s'acaba. Los actors privats son de mai en mai nombroses, al còp per la construccion de las fusadas, capsulas, estacions e autras navetas, mas tanben per l'organizacion de missions dins l'espaci.
Tolosa es sempre estat un centre europèu dins lo domèni. La decision del elegits occitans a per objectiu d'afortir aquela posicion en facilitant los encontres entre los professionals del sector.