A la debuta del mes de febrièr de 2025, Carole Delga, presidenta de la Region Occitània publiquèt lo site La République en Commun.
L'elegida dins son primièr pòst datat del 10 de febrièr, presentava l'ambicion del site : confrontar d'idèas, per, a la perfin, « dins un mond en mutacion, fàcia a las crisas socialas, ecologicas e democraticas que sèm a viure, » preparar un projècte poderós e credible, d'esquèrra, d'a fons virat vèrs l'avenir e ancorat sus de valors umanistas, universalas e laïcas.
Vei aquesta publicacion al còp coma « lo lòc de sas presas de posicion » venentas e « un espaci de dialòg, de reflexion e d'accion ».
Son objectiu es de menar d'idèas per l'esquèrra europèa e laïca.
Convida tot un cadun a far viure aquesta plataforma.
L'elegida anoncièt a la debuta de 2025 qu'aviá pas l'intencion de se presentar per dirigir lo municipi de la vila de Tolosa e que voliá obrar, en França, dins l'encastre de perspectivas nacionalas.