Lo dimècre 28 de mai de 2025 a l'escasença d'una visita del dirigent ucrainés Volodimir Zelensky a Berlin, lo cancelièr Friedrich Merz anoncièt qu'Alemanha ajudariá Ucraïna a produsir sus son sòl d'armas de longa portada a mand d'aténher de ciblas sul territòri rus.
Alemanha dispausa de missils de longa portada, los Taurus. Cap es pas estat pel moment liurat a Ucraïna. Olaf Scholz cancelièr predecessor de Friedrich Merz s'i èra sistematicament opausat.
Lo 28 de mai, Friedrich Merz comuniquèt pas sus una eventuala liurason de Taurus. La decision d'Alemanha d'ajudar a la produccion en Ucraïna d'armas equivalentas en cooperacion amb Ucraïna, es una responsa que limita l'implicacion d'Alemanha dins la guèrra tot en permetent al Ucraineses de se defendre alara que contunhan de patir de las agressions russas.