S'organiza pels 25 e 26 d'octobre de 2025 a Vilafranca de Roergue una manifestacion. L'objectiu es de tornar bastir l'ostal de Joan Petit.
Aquí çai-jos lo manifèste del collectiu :
Dempuèi 2015, e la darrièra manifestacion Anem Òc, avèm pas agut l’escasença de mostrar per carrièra la volontat populara d’accès a la lenga occitana. Pr’aquò, l’enveja e la necesitat i son encara.
Dels Alps italians fins a la Mar Granda, recampem-nos. Balhem de vam, a un movement que sosten l’idèa qu’avèm besonh de diversitat culturala tant coma de diversitat ecologica o umana. Defendèm una lenga per totes, que nos permet de créisser amassa dins una societat dubèrta, conscienta de son environament coma de son istòria. Mai un pòble pòrta collectivament sa cultura, mai es capable de s’organizar, de crear, d’aculhir e de partejar.
Mainatges, avèm totes cantat sa cançon, los 25 e 26 d’octobre li tornarem son ostal. Coma per materializar lo nòstre patrimòni immaterial, tornarem bastir l’ostal del Joan Petit, a l’endrech ont foguèt rasat al sègle XVII, per castigament de la revòlta dels crocants.
Manifestacion, discutidas, cantadas, concèrts, vilatjòts dels diferents païses occitans, passacarrièra...
Los 25 e 26 d’octobre de 2025, cridam a una dimenjada festiva de manifestacion e d’accion per la lenga occitana !