Dimenge 20 d'agost de 2023, Mark Rutte, primièr ministre neerlandés, anoncièt que de F-16, avion de combat de concepcion estatsunidenca, serián mandats a Ucraina per los Païses Basses e per Danemarc.
La primièra ministra danesa, Mette Frederiksen, precisèt de son costat que son país ne mandariá dètz-e-nòu. Las liurasons debutaràn a la fin de l'an 2023. Volodymyr Zelensky president d'Ucraina èra per l'escasença en desplacament dins aqueles dos païses. Qualifiquèt aquesta decision d'« istorica ».
Los Ucraineses luchan per la liberacion d'una part importanta de lor territòri dempuèi lo 24 de febrièr de 2022, jorn ont l'armada russa renovelèt, après sas accions de 2014, son envasiment. Dempuèi dependon de las ajudas dels aligats que lor fornisson regularament los armaments necessaris per luchar contra l'occupant.
Lo F-16 es un avion de combat a reaccion supersonic d'un sol motor. Multiròtle es estat desvolopat al Estats Units per General Dynamics. Sa vocaccion èra primièr, d'equipar l'USAF (United States Air Force). Mai de 4 500 unitats son estadas produsidas dempuèi la debuta de sa produccion en 1976.