Lo 18 de genièr de 2024 lo ministre de la defensa francés Sébastien Lecornu anoncièt un cèrt nombre de mesuras per ajudar Ucraina dins sa lucha contra l'occupant rus.
D'en primièr presentèt la coalicion Artilhariá per Ucraina qu'aurà per vocacion de federar las iniciativas per fin de liurar a l'armada ucrainesa lo material necessari per sa defensa al nivèl de l'artilhariá.
Lo ministre afortiguèt que França mandariá a la debuta de l'an siès Caesar suplementaris e anoncièt qu'un mandadís de 72 canons Caesar de mai seriá possible ongan en 2024 dins l'encastre de la coalicion. Dotze podrián èsser financiats per França, los seissanta autres pels autres aligats.
Un autra anóncia importanta concernís la liurason per París de missils aire-sòl AASM. Cinquanta exemplaris deurián èsser mandat cada mes sus tota l'annada 2024.
Aquestes de portada mejana (70 Km) podràn èsser mandats pels avions de concepcion sovietica en possession de l'armada ucrainesa, coma los Mig e los Soukhoi. Aqueles missils son estats concebuts per poder ciblar amb precision las posicions enemigas.