Al mes de julhet de 2023 se dubriguèt a Tolosa un centre d'excelléncia de l'OTAN dedicat a l'espaci.
Aquel centre a per vocacion d'ajudar l'Aligança dins sa compreneson del domèni espacial, aquò en aprofechant de las coneissénças ligadas al sector presentas a Tolosa dins d'organismes privats o universitaris.
Aquel centre ajudarà l'OTAN a accelerar los trabalhs dedicats a l'espaci, a aprigondir e a estendre l'utilizacion del domèni espacial per la defensa comuna de sos membres. Lo centre serà dedicat a la formacion e a l'entrainament, mas tanben a l'estudi e al desvolopament.
Lo centre serà tanben lo lòc d'encontre entre las organizacions nacionalas o internacionalas implicadas dins lo domèni espacial. A vocacion de completar lo Centre Espacial de Ramstein en Alemanha.