Lo 8 d'octobre de 2020 lo municipi de la comuna de Tolosa votèt una resolucion en favor de l'ensenhament de la lenga occitana. Es estada presentada per Jean-Michel Lattes.
Qualques jorns pus tard, lo 15 d'octobre, lo conse de la vila Jean-Luc Moudenc escriviá al primièr ministre Jean Castex per li tornar rapelar la situacion de la lenga nòstra.
Pendent l'estiu de 2020 Carole Delga, presidenta de la Region Occitània aviá ja afortit son estacament a la lenga occitana. Lo 3 de septembre escriviá ela tanben a Jean Castex sul subjècte.
De notar que Michaël Delafosse, conse de Montpelhièr sostenguèt la manifestacion organizada dins sa vila lo 10 d'octobre en favor de la lenga.