Lo primièr ministre Jean Castex anoncièt lo dimècre 16 de junh de 2021 que tre lo dijòus 17 lo pòrt de la masqueta en exterior seriá pas pus obligatòri sus tot lo territòri.
La protecion demorarà obligatòria al dintre dels bastiments publics.
Demai lo cap del govèrn precisèt que lo cubrifuòc que debutava cada jorn a 23 h seriá pas pus en vigor tre lo dimenge 20 de junh.
En matèria de vaccinacion l'objectiu es d'aténher los 35 milions de personas completament vaccinadas a la fin del mes d'agost.