Lo diluns 20 de decembre de 2021 l'agéncia Europèa del medicament recomandèt l'usatge del vaccin de la societat Novavax contra la covid-19 per las personas de mai de 18 ans.

Aqueste vaccin nommat Nuvaxovid, es pas a ARN messatgièr. Es una proteïna qu'es utilizada e que permet la produccion d'anticòrses. Content pas tanpauc de virus modificat. Aquel tipe de vaccin es dich sosunitari o a proteïna recombinanta.

Lo Nuvaxovid deu èsser administrat en dos còps. Tres setmanas devon deseparar las doas injeccions. Son eficacitat es compresa entre 89 % e 90 %.

Una precomanda de la Comission Europèa es ja estada passada per una utilizacion futura d'aqueste vaccin dins l'Union.