Lo dimenge 9 de febrièr de 2025 son estats desconectats dels malhums electrics rus e bielorús los tres Estats Baltics, Estònia, Letònia e Lituània.
L'anóncia es estada facha per Ursula von der Leyen presidenta de la Comission Europèa. Los tres païses son desenant unicament conectats al malhum europèu e donc independents, per lor aprovisionament en electricitat, de Russia.
La sincronizacion dels malhums electrics d'Estònia, Letònia e Lituània, amb lo malhum de l'Union Europèa, debutèt i a quinze ans.
Aqueles tres Estats èran los darrièrs de l'Union a dependre de Russia per lor apovisionament en electricitat.
