Lo 7 de setembre de 2019 l'ONERA en partenariat amb lo CNES e Aviation Design, efectuèt a Kourou un test dins l'encastre del projècte Altair.
L'objectiu èra de validar tecnicament un dispositiu de misa en orbita de pichons satellits via un procèssus mixte : puslèu que de largar las cargas dempuèi una fusada partida directament del sòl, aquesta es largada a partir d'un aeronèf sens pilòt especialament preparat per aquò, Eole.
Aqueles tipes de lançaments son diches aeroportats. D'autres entitats desvolopan aquesta tecnologia coma Virgin Galactic o Stratolaunch System.
L'ensage de 7 de septembre reüssiguèt. Las tecnologias d'avionica, de separacion e de largatge en mòde automatic foncionèran condrechament. Es sonca una maqueta de fusada qu'es estada largada.
Aqueste projècte, Altair, es finançat per l'Union Europèa e per Soïssa. Las entrepresas partenaris son GTD, Bertin Technologies, ETHZ, Piaggio Aerospace, NAMMO et SpaceTec.
