Lo dimècre 31 de genièr de 2024, Starlab Space, entrepresa creada per Voyager Space e Airbus, anoncièt que son estacion espaciala a vocacion comerciala seriá mandada en orbita bassa per l'astronau Starship desvolopada per la societat SpaceX.
Lo Starship es encara en 2024 en desvolopament. A per vocacion de facilitar lo mandadís dins l'espaci, en orbita bassa o mai luènh vèrs Mars o la Luna, de cargas importantas.
Lo Starship, segon lo comunicat de Starlab Space, madarà l'estacion en un sòl còp après la fin d'explechacion de l'Internacional Space Station (ISS).
Starlab Space anoncièt recentament sa collaboracion amb Northrop Grumman e prevei de trabalhar amb l'European Space Agency (ESA).
Coma o dis son nom, l'estacion Starlab serà d'en primièr un laboratòri per far de recèrcas. Al programa : biologia, fisica, sciéncia dels materials...
