Lo Centre Occitan de Rocheguda presentava lo 10 de decembre de 2016 a Albi una conferéncia sus l'escrivana Ivona Boyer-Hérail.
Sortida de Vabre, d’una familha d’industrials, se metèt a l’escritura a l’ora de la retirada dins las annadas 1960. Son engatjament felibrenc la menèt cap al « Miègjorn », Tolosa e Besièrs.
Nommada Mèstra d’òbra del Felibritge, desvolopèt las activitats de « La Bruga del Sidòbre », una escòla felibrenca qu’organizèt de jòcs florals e participèt a la vida culturala tarnesa.
Aquí un extrach d'un dels sieus poèmas Pasibles carrièrons (genièr de 1970).
Aqueles carrièrons traversant la montanha
totis del temps passat los avèm correguts.
Diguns corrís pas mai, se son desconeguts,
la natura los pren, lo bòsc, l’èrba los ganha.
Passàvem long del riu, del prat e de la sanha.
Trimàvem per montar, bufàvem, èrem muts.
Mas amont sul planòl quant d’espaci de lutz ! [...]
