Lo Grelh Roergàs publiquèt a la debuta de 2026 lo darrièr roman de Sèrgi Gairal, Mistèri.
Lo libre de 168 paginas conta la desaparicion misteriosa de Celina, joventa de vint-e-dos ans. Un roman que nos tòrna rapelar que las desaparicions inquietantas son malaürosament regularament d’actualitat.
Sèrgi Gairal publiquèt son primièr roman en 1996, Lo barracon a cò d'IEO Edicions. Nos contava ja aquí la desaparicion d'una joventa, Clotilda, dròlla de dètz ans, orfanèla de sa maire, que suportava pas que son paire se faguèsse de la mèstra. Clotilda tornèt aparéisser un mes e mièg pus tard, e l'autor nos contèt sa fuga en 2013, dins un autre roman incisiu e plan mestrejat, Las vacanças de Pascas.
Mistèri, amb lo raconte de la desaparicion de Celina, es una novèla ficcion de l'autor sus aquel terren amb aquí la volontat d'evelhar a la lectura, interrogacions, sospechas e suspresas.
Primièra de cobèrta del libre de Sèrgi Gairal, Mistèri (2026, Grelh Roergàs)
Femnas de Josí Guilhòt (Ostal del libre, 2009).
La societat Macarel propausa un imagièr francés-occitan de mai de 1000 mots. Un otís practic e fisable per apréner lo vocabulari corrent.
Lo dèt dau Gabian de Pierre Pasquini (Trabucaire, 2008, 200 paginas).