Lo barracon de Sèrgi Gairal ven d'èsser reeditat (julhet de 2015) per IEO Edicion. Lo libre de 204 paginas còsta 15 €.
Presentacion - Aquel barracon, que se quilha sul camin de Sant Jacme de Compostèla dempuèi lo sègle XIV, te fa un brave sospluèg ont pòdes costejar de mond que, de costuma, se coneisson pas gaire. Aital la castelana tròp perfumada o aquel romieu que se ditz alemand...
Lo narrator – un dròlle – s’i agrada tant coma a l’escòla. E tot cercant sa cata sómia de tot çò qu’aicí poguèt avenir. Mas a l’escòla tanben se’n passa ! I a la mèstra que ven d’Alsàcia ; e la Clotilda qu’a desparegut...
Un roman qu’a causit un encastre original, la sala de classa – que vesèm foncionar pels uèlhs d’un escolan – e que nos torna una part preciosa de nòstre passat tan pròche.
En 2013 sortiguèt Las vacanças de Pascas ont l'autor nos conta l'escorreguda de Clotilda.
Pèire Beziat contunha son trabalh de traduccion pel plaser dels lectors occitanofòns.
L'occitan de viva votz de Joan Fulhet es un metòde de prononciacion de l'occitan lengadocian (Editor : IEO, 2008).
IEO Edicions publicava en 1988 Enlòc de Joan-Claudi Sèrras.