Lo dissabte 15 d'octobre de 2016 se debanèt a Albi lo collòqui : Una politica sociolingüistica per l'occitan, las governanças en question.
L'objectiu del collòqui èra d'estudiar los mejans de desvolopament d’una politica sociolingüistica en Occitània en favor de l’occitan, per permetre la subrevida e lo desvolopament de l'usatge de la lenga, que dempuèi vint ans los locutors primaris son a desaparéisser, la transmission familiala es interrompuda.
Après lo nom, una identitat visuala. La region Occitània comunica.
Lo 24 de junh de 2016, la novèla region eissida de l'union de Lengadòc-Rosselhon e de Miègjorn-Pirenèus trobava un nom. Après una importanta consultacion ciutadana, l'assemblada adoptava lo nom Occitània, seguit de la signatura Pirenèus Mediterranèa.
Lo temps es ara vengut d'accompanhar aquel nom d'un lògo per aquela region situada al còr de l'arc mediterranèu, fòrta de sos 13 departaments (mai de 5 milions d'abitants), de sos 15 pòls de competitivitat, de sas 35 universitats e grandas escòlas.
28/04/16 - Lo comitat per l'Autodeterminacion de Catalonha Nòrd comunica :
Par jugement rendu ce jour, le tribunal de grande instance de Perpignan vient de débouter l'Etat français de sa demande de dissolution du Comité pour l'Autodétermination de la Catalogne Nord.
07/02/16 - Après la votacion del parlament que modifiquèt la constitucion de l'Estat argerian, la lenga berbèra o amazigh es ara oficiala.
L'amazigh es parlat per un detzenat de milions de personas sul territòri argerian, un quart de la populacion. Es ensenhat dempuèi 1995, e una cadena de television en amazigh es estada creada en 2009. Las institucions preveson de crear una acadèmia de la lenga amazigh. L'arabi demòra la lenga de l'Estat.
10/06/15 - Jessica Bracker propausa sul site The European Magazine una reflexion suls moviments independentistas europèus e lors rapòrts amb l'Union. Tòrna rapelar la maxima : In varietate concordia ! que supòrta lo projècte europèu.
03/06/15 - Fin de l'accion de David Grosclaude après l'anóncia per l'estat francés de la creacion de l'Ofici Public de la Lenga Occitana :
"Que soi urós d’anonciar a tots los qui m’an sostienut desempuish ua setmana qu’an ganhat ua victòria. Lo document qui demandavi desempuish lo 27 de mai que m’ei arribat a 19h30 [03/06/15].
"Qu’ei un document adreçat aus presidents de las duas regions Aquitània e Miègjorn-Pirenèus devath la fòrma d’ua letra signada deus dus ministres de l’Éducacion e de la Cultura. Dens aquesta letra qu’ei indicat que l’Estat s’engatja a autorizar la creacion de l’Ofici Public de la Lenga Occitana e que s’i associarà." [ligam]
27/05/15 - David Grosclaude ven d'entamenar una cauma de la fam a l'Ostal de Region de Bordèu. Contèsta la position de l'estat francés sus la creacion de l'Ofici Public de la Lenga Occitana, l'estat refusa de balhar una seguida al projècte alara que sa creacion es estada aprovada per los conselhs regionals de Miègjorn-Pirenèus e d'Aquitània. Legir sa declaracion [aquí]
A reçauput lo sosten de Alain Rousset president del conselh regional d'Aquitània, de Paul Molac deputat Breton, de la Confederacion de las Calandretas (Jean-Louis Blenet), d'APRENE (Patrice Baccou), del CFPOC (Jean-Brice Brana), del CFPO (Delphine Krajewski, Cédric Valmary), de l'IEO (Pierre Brechet), del Cirdòc (Marcel Mateu), del Congrés permanent de la lenga occitana (Gilbert Mercadier), de l'InÒc (Jean-Jacques Castéret), d'Iniciativa per Occitània, de la FELCO (Felip Martèl), de País Nòstre, d'Unitat d'Aran, del Conselh General d'Aran, de l’Assemblada de Corsega (a l'unanimitat, votacion del 30/05/15), de l'Union Democratica Bretona.
David Grosclaude es conselhièr regional d'Aquitània delegat a las lengas regionalas.
Lo dissabte 27 de septembre de 2014 a Narbona País Nòstre organizava lo collòqui L'Occitanie à l'heure de la réforme territoriale.
Lo malhum associatiu Forum d'Oc, que nasquèt en 2013 après la capitada en novembre de 2013 (30/11/13) de l'acampada del Pharo a Marselha iniciada pel comitat Anem Òc Provença, es destinat a recampar las accions en favor de la lenga occitana en provença.
Genièr de 2014, lo Conselh general d'Avairon comunica. Sorsa : Le magazine du Conseil Général de l'Aveyron) :
L'occitan convencionat :
Pendent qualques annadas, los partenaris de l’Educacion nacionala en carga de l’accion culturala per l’occitan se son remosats al rectorat dins l’encastre del Conselh academic per l’ensenhament de l’occitan (C.A.E.Oc.). Lo Conselh general d’Avairon i es estat representat per Simona Anglada e son cargat de mission per l’occitan, C.-P. Bedèl. Aqueles rescontres se son concretizats per una convencion de desvolopament de l’occitan entre la Region, lo rectorat e los departaments interessats.
En seguida de la votacion del 25/05/2014 per l'eleccion dels deputats europèus, Martina Gròs e Geli Grande, membres de la lista Occitània per una Euròpa dels Pòbles, comunican :
Lo 3 de junh de 2014 se debanèt sala Colbert (Assemblada Nacionala) un collòqui sus las lengas. Colette Capdevielle èra a l'initiativa de l'eveniment amb l'ajuda de Jean-Jacques Urvoas e de Paul Molac.
Après la presentacion del govèrn al mes de junh (02/06/14), la votacion del Senat (04/07/14) que refusèt la mapa prepausada e après las proposicions dels deputats en comission (lo 09/07/14 e lo 16/07/14), Occitània s'organisariá principalament al torn de quatre regions : Aquitània-Lemosin-Peitau-Charantas, Lengadòc (Midi-Pyrénées+Languedoc-Roussillon), Provença (PACA) e Auvèrnha-Róse-Alps.
Al mes de mai los europèus tòrnan elegir lo parlament de l'Union. Per s'informar, qualques ligams :
Comunicat de premsa del Partit de la Nacion Occitana - Eleccion dels deputats al Parlament europenc del 25 de mai de 2014 :
"Lo 25 de mai de 2014, los ciutadans de l'Union Europenca son apelats a elegir lors deputats al Parlament europenc.
Per las municipalas de 2014 en França, mai de 50 membres del moviment Bastir ! son estat elegits.
Sul moviment Bastir ! : "Es un projècte occitanista que fa una plaça granda a la question de la lenga e de la cultura occitana mas qu'es portaire d'una vision occitanista del desvolopament de nòstres territòris. Es un projècte que pòrta l'idèa que las decisions se devon prendre de faiçon de mai en mai descentralizada. Es dins aquestas condicions que poirem trobar las solucions a las crisis (economica, ecologica, sociala) que nos tòcan.
Lo movement politic Bastir compta ja un trentenat d'elegits al ser del primièr torn - 23/03/14 - de las eleccions municipalas de 2014 en França. Per ne saupre mai [clicar]
Lo tèxt es estat signat lo 14 de decembre de 2009.
Convencion de partenariat pel desvolopament e l’estructuracion de l’ensenhament de l’occitan e en occitan e de l’ensenhament del catalan e en catalan - ensenhament public e ensenhament privat - entre l’Estat - Ministèri de l’Educacion nacionala - Ministèri de l’Ensenhament superior e de la recerca, representat pel Rector de l’Acadèmia de Montpelhièr, Cancelièr de las Universitats, Sénher Christian Philip, e la Region Lengadòc-Rosselhon, representada per Sénher Georges Frêche, President del Conselh Regional per la delegacion que li es consentida per la deliberacion del Conselh Regional del...,
Euròpa - Febrièr de 2014 - Un collectiu d'economistas e de politològs, apelan a reformar l'Union amb la creacion d'una cambra parlementària pels païses que son dins l'Union monetària. D'idèas per mai de democracia, per enfin far sens, a la bona escala : Euròpa [legir]
De notar que lo Glienicker Group en alemanha ja publicava al mes d'octobre de 2013 una tribuna sus l'union de l'èuro. L'institut Jacques Delors publica la traduccion francesa [legir]