Dempuèi lo mes de julhet de 2018 Sara Brennan (Cercaira post doctoranta, Sorbona Novèla/UMR Lacito) e James Costa (MCF, Sorbona Novèla/UMR Lacito) presentan lo blòg Revitaliser l'occitan dans la nouvelle Occitanie. Politique, commodification, transmission.
Lo site es trilenga. Los pòsts son en anglés, en occitan o en francés. Aquí rendon compte de lor trabalh de recèrca sus la politica de revitalizacion de la lenga nòstra en region Occitània.
Los autors presentan aquel site coma un carnet de terren e de recèrca.
Lor trabalh mai que mai etnografic debutèt en febrièr de 2018 e se deu persegre entrò al mes d'agost de 2019. La siá tòca es de comprene si, e cossí, la nòva apelacion de la region jòga sul procèssus de revitalizacion de la lenga e se contribuís o non a transformar la lenga en enjòc politic.
Los cercaires se van concentrar sus tres punts :
- politica del lengatge ;
- transmission ;
- commodificacion/marcandizacion de l'occitan.
De seguir [aquí]
