Lo 14 de març de 2024 se debanèt lo tresen ensag del Starship de SpaceX.
L'astronau devolopada pel constructor aurà per mission de transportar en orbita bassa de cargas pesugas e de permetre de jónher aisidament la Luna o la planeta Mars.
Lo 14 de març lo Starship se posquèt metre en orbita abans de tornar intrar dins l'atmosfèra.
I aguèt pas de problèma al nivèl dels motors que totes foncionèran corrèctament. La deseparacion entre l'astronau e lo booster se passèt plan tanben.
L'astronau posquèt pas èsser recuperada mas sa reintrada es estada tèstada.
Los engeniaires de SpaceX preveson d'efectuar un quatren ensag del Starship a la debuta del mes de junh de 2024.
