Lo 17 de decembre de 2016 davant lo MUCÈM a Marselha, a l'initiativa de Danís Capian, qualques occitans manifestavan per demandar que la lenga occitana siá emplegada per la comunicacion del musèu que presentava alara l’article catòrze de la Declaracion Universala dels Dreches Umans. Aquela èra escricha dins mantunas lengas, pas en occitan.
An capitat. En genièr de 2017 se pòt legir sus las parets de veire del MUCÈM :
Còntra lei persecucions cadun a drech de cercar asil e de beneficiar de l’asil dins d’autrei país
Iniciativa per Occitània faguèt prodèl, mandant una letra a Jean-François Chougnet, président del MUCÈM, per demandar la preséncia de la lenga occitana dins aquela expausicion.
Aquel eveniment rapela que la mobilizacion de cadun es preciosa e que d'accions, tan menèlas que sián, se menadas amb conviccion e intelligéncia, pòdon portar fruchas.
En 2014 Josiana Ubaud, ja, aviá manifestat per escrich son estonamanet après sa visita del lòc, constatant que la lenga occitana èra absenta. Coma se la cultura provençala èra pas, amb maites, al còr de la cultura mediterranèa.
*
[letra d'Iniciativa per Occitània] - [article del Jornalet] - [letra de J. Ubaud]
