assemblee-nationaleLa FELCO comunica sus l'activitat dels deputats occitans a l'Assemblada Nacionala, especialament sus lors presas de paraula en rapòrt amb de tematicas lingüisticas.

Menèron l'enquèsta sus la legislatura que s'acaba en 2017.

Réparticion de las intervencions dels deputats per departament, regropadas en foncion de la novèla organizacion regionala :

Region Occitània (55)

  • Aude → 9
  • Avairon → 7
  • Erau → 9
  • Gard → 4
  • Nauta Garona → 6
  • Nauts Pirenèus → 2
  • Losera → 11
  • Pirenèus Orientals → 3
  • Tarn → 4

Nòva Aquitània (18)

  • Dordonha → 4
  • Gironda → 8
  • Nauta Vinhana → 2
  • Pirenèus Atlantics → 4

Provença, Alps e Còsta d'Azur (16)

  • Alps Maritims → 4
  • Bocas de Ròse → 4
  • Nauts Alps → 6
  • Vauclusa → 2

Auvèrnhe, Ròse, Alps (3)

  • Ardecha → 1
  • Naut Léger → 1
  • Puèi de Doma → 1

  

departament-occitan-felco-2017

 

Al nivèl de las intervencions dels deputats de regions non occitanas, intervencions ligadas als problèmas lingüistics en França, la FELCO precisa que per l’essencial venián de deputats bretons, en particular Marc Le Fur (LR, Côtes d’Armor) e Paul Molac (EELV, Morbihan).

Le Fur intervenguèt fòrça sus las questions relativas a l’ensenhament del breton ; aquò's el qu’intervenguèt lo mai sus la question de la lei Peillon de 2012 (al mens 13 intervencions).

Del costat breton totjorn, Paul Molac pausèt una question suls nombres de pòstes al CAPES d’occitan. Es estat subretot actiu sus las questions relativas a la Charta en 2014 mas tanben sus las questions de la formacion dels mèstres e la reconeissença de las lengas regionalas, en particular a travèrs de la presa en consideracion d’aquelas lengas dins los mèdias publics.

Costat alsacian, Armand Jung foguèt plan actiu al nivèl de la lei Peillon de 2012.

Enfin, se pòt relevar que la màger part de las lengas minorizadas son estadas evocadas pendent la legislatura : una question sul franco-provençal, mai d’unas sus l’ensenhament del picard e del gallo, dels santongés (3 questions), del flamand, del mosellan, lengas de las Otras-Mars (creòle, taïcian...). Mas pauc de questions rapòrt al basc, al catalan o al còrse.

En proporcion, es evident que los deputats bretons son los mai actius de totes.

Sus las questions relativas a l’occitan, la FELCO nòta enfin :

  • una intervencion en rapòrt amb lo CAPES d’occitan ;
  • d’intervencions per reclamar la presa en compte de l’occitan sus las ràdios e televisions publicas ;
  • una intervencion per la reconeissença del Collectiu Provença en 2013.

La publicacion de la FELCO es [aquí]