Dins sa letra del mes de julhet de 2017, lo Pargue natural regional de la Narbonesa en Meditèranèa
presentava l'edito de son president Bernard Devic en occitan, mercés a la traduccion de
jean-Pierre Laval. Extrach :
Lo primièr numèro de la Letra d’informacion arriba dins un moment especial pel Pargue, lo Pargue vòstre. De fach, dins lo país del Narbonés i a un fum de projèctes d’acapçaments e de politicas publicas e lo pargue porta pèira a tot aquel trabalh.
Nos cal tanben saludar la contribucion de l'ancian director del pargue, Alain Perea. Ara, va defendre lo país Narbonés endacom mai e après aver botar en camin una situacion melhora per las institucions, las finanças e las estructuras del pargue.
Expertesa d’engenhaire, experiéncia de terren e vista an portat lo pargue, la seva equipa e los companhs a un polit nivèl de reconeissença. [...]
Sém a la mitat de l’apelacion PNR 2010/2022, nos cal èsser fièr de véser lo nòstre territòri amb un instrument de qualitat, una cogestion dins cada zona umida del PNR. L’equipa tecnica es estructurada amb las competéncias reglementaris e lo partenariat se refortis amb lo país e sos actors.
Alavetz, vos prepausi de vos passejar dins l’actualitat, amb d’accions de tria, de far coneissença amb lo trabalh de l’equipa e dels companhs, al servici del país.
Cal perseguir e desvolopar aquèla aisina de concertacion e de programacion que es lo Pargue natural regional.
Bernard Devic
President del Pargue natural regional