Se tendrà a Narbona lo dissabte 16 de setembre de 2017 (Palais del Trabalh) La Dintrada.
Es un vertadièr forum ciutadan occitan que los organizators vòlon crear.
L'objectiu es de tornar pensar l'occitanisme politic en coerencia amb la societat civila per melhor respondre a las evolucions recentas :
- de las institucions regionalas : creacion de la region Occitània
- de la demografia : arribada al país de personas de cultura non occitana, sovent en demanda de lenga e de cultura occitana
- dels mèdias de comunicacion novèls : malhums socials, espleches numerics.
Per participar al forum se cal marcar [aquí]
Mantun mèdia seràn associats a l'eveniment : Té Vé Òc, Ràdio Lenga d'Òc, Ràdio Occitània, Jornalet.