Lo movement País Nòstre comunica :

Dempuèi 2016, Occitània es oficialament marcada sus la carta del mond ! Amb aquèla reconéissença tornan retrobar l'ostal e los ligams prigonds de l'istòria.

Occitània es pus bèla qu'Irlanda e amb 6 milions d'estatjants es una poténcia geografica, demografica e economica de tria.

Occitània deu afortir sa força culturala e reconéisser la dignitat de la lenga occitana. Dignitat, aquò vol dire un estatut oficial dins l'ensenhament, los mèdias e la vida publica.

Apuèi l'organizacion de mai d'un Collòqui, sus la reforma territoriala e l'economia, lo Movement occitan País Nòstre convida un fum d'escrivans, canataires, creators, jornalistas e occitanistas per soscar a l'avenidor del país d'Òc.

Titolat "Occitània, per una fòrça culturala occitana" lo Collòqui novèl se fara dissabte 25 de novembre dins la Sala de las Synodes a l'Ostal de vila de Narbona.