Fin de 2017. L'IEO comunica : Per respondre a una importanta diminucion de las subvencions publicas,
l’Institut d’Estudis Occitans fa una crida a donacion abans la fin de l’annada de 2017.
Au mes d’octòbre, l’Institut d’Estudis Occitans (IEO) foguèt assabentat que tocariá, en 2017, la mitat solament de la subvencion annadiera balhada per l’Ofici pubic de la lenga occitana (OPLO) au nom dei regions Occitanie-Pyrénées-Méditerranée e Nouvelle-Aquitaine, e de l’Estat.
A aquela baissa brutala emai tardiera s’ajustan leis incertituds sus leis engatjaments de la region Auvergne-Rhône-Alpes, e aquò dins d’endevenenças gaire favorablas au sector associatiu amb la supression deis emplecs ajudats.
Estent aquela situacion, l’IEO pòt pas faire autrament que de chamar en totei de sostenir, un còp de mai, l’associacion e sei tòcas, permetre son foncionament e organizar sa preséncia e seis accions per l’annada 2018.
Cada don còmpta.
Ajudatz l’IEO !
Pèire Brechet
Adonc, se volètz ajudar l’IEO, es temps encara de mandar vòstra dona de sosten a l’associacion per 2017 (avans lo 31 de decembre 2017), per chèc au sèti de l’IEO.