Lo Collectiu Occitan prepara una jornada reivindicativa lo dissabte 3 de febrièr. L'objectiu màger d'aquela manifestacion es de demandar als poders publics que l'occitan siá present cada jorn a la television sus França 3.

Lo collectiu estima que la mobilizacion es d'autant mai necita que i a de mai en mai de reduccions de credits a la television publica. Vòl tanben veire se desvolopar de vertadièrs mèdias de país amb de redaccions localas.

La proposicion del collectiu serà d'organizar d'accions al meteis moment lo 3 de febrièr a França 3 Tolosa, França 3 Montpelhièr e tanben a Rodés, Albi e Tarbas.

Tot aquò serà a l'ordre del jorn de l'acamp de preparacion previst lo dijòus 11 de genièr de 2018 a 18h, sala Nelli a l'Ostal d'Occitània (Tolosa, Carrièra Malcousinat).

Lo Collectiu Occitan recampa : Convergéncia Occitana, l'IEO, lo CREO, la Confederacion Calandretas, lo Partit Occitan, EELV Occitània, País Nòstre, lo Partit de la Nacion Occitana, l'Esquèrra Revolucionari Occitana, Bastir, Macarèl, l'Associacion Zou.