Lo 11 de genièr de 2018 Matthieu Lahaye, conselhièr del ministre de l’Educacion nacionala encargat de las lengas minorizada recebiá dos membres de la FELCO : Maria-Joana Verny e Yan Lespoux, respectivament co-secretària e president de l'organisme.
Son tornats suls subjèctes que segon la FELCO pausan problèma : lo non respèctes dels tèxtes per d’unas instàncias de l’Education Nacionala, l'abséncia de declinasons academicas de la convencion Estat/OPLO dins las acadèmias de Tolosa e Montpelhièr. Insistiguèron sus las inegalitats de tractament de la question de l’ensenhament de l’occitan segon los endreches.
Tornèran tanben sul nombre de pòste, pro bas, dubèrt al CAPES e a l'agregacion ongan en 2018.
Remetèron a Sénher Lahaye lo dorsièr de 67 projèctes pedagogics recampats dins las darrièras setmanas al prèp de lors collègas. Pròva del dinamisme e de la dubertura del personal en carga de l'ensenhament de la lenga nòstra dins lo servici public.
Une entrevista de Maria-Joana Verny per Marius Blenet ligada a l'eveniment se pòt visionar sul site de França 3 Television :