Lo dijòus 3 de decembre de 2020 lo govèrn francés desvelèt son plan de vaccinacion per luchar contre l'epidemia de covid-19.
Tres fasas son previstas.
- Tre lo mes de genièr de 2021 se debanaràn las primièras vaccinacions sus las personas annadidas en establiment medicosocial, notadament los Ehpad. Los professionals a risc d'aqueles establiments son tanben concernits. Un milion de personas podràn èsser vaccinadas.
- De febrièr a març de 2021 lo perimètre se dubrirà a las autras personas vulnerablas, a causa de lor atge avançat o de patologias que pòdon favorizar los desvolopament de formas grèvas de la malautiá covid-19. Aquí tanben los professionnals del sector medical e vulnerables se podràn far vaccinar. 14 milions de personas son concernidas.
- Tre lo mes d'abril la possibilitat de vaccinacion serà dubèrta a totes. Las personas mai annadidas, los precaris o los que residan dins d'environaments claus seràn, pr'aquò, prioritàris.
Lo vaccin serà pas obligatòri e serà gratuit.