Lo dimenge 17 de genièr de 2021, cent cinquanta elegits an escrich al president de la republica francesa Emmanuel Macron per li demandar l'organizacion d'un referendum per restacar lo departament de Léger Atlantic a la region Bretanha.

Aquel departament aparten pel moment a la region Païses de Léger (Pays de la Loire).

La populacion d'aquel departament manifèsta regularament son desir d'intrar dins la region Bretanha. Los ligams entre aquel departament e Bretanha son, segon los signataris, al còp « geografics, istorics, economics e umans ».

En 2018 una peticion per aquel restacament recampèt 105 000 signaturas.

D'un punt de vist legal l'organizacion d'un tal referendum es possibles. Lo tèxt demanda al president de dubrir lo procèssus permetent son organizacion.