L'Agéncia Europèa dels Medicaments (EMA) autorizèt lo dijòus 11 de març de 2021 l'utilizacion dins l'Union del vaccin de la societat Johnson & Johnson.

Aquò's lo quatren vaccin contra la malautiá covid-19 recomandat per l'institucion après los de :

  • Pfizer e BioNTech (vaccin a ARN messatger) ;
  • Moderna (vaccin a ARN messatger) ;
  • AstraZeneca (vaccin a vector viral).

Lo vaccin de Johnson & Johnson se pòt servar a de temperaturas compresas entre un gras de 2 e 8 celsius. Demai una sola injeccion es necessaria al luòc de doas. Aquò's un vaccin a vector viral.

L'EMA rapòrta una eficacitat del vaccin de 67 % amb d'efèctes segondaris limitats.

Es la societat Janssen-Cilag International N.V. filiale europèa de Johnson & Johnson que faguèt la demanda d'autorizacion al prèp de l'EMA.