Lo ministèri francés de la santat comuniquèt a la fin del mes de març de 2021 sul vaccin de Johnson & Johnson : uèch milions de dòsis seràn liuradas a la autoritats francesas d'aicí la fin del mes de junh, d'ont 500 000 al mes d'abril.

Las primièras liurasons per l'Union son esperadas per lo 19 del mes d'abril.

Aqueste vaccin a vector viral serà lo primièr emplegat en França necessitant una injeccion e non pas doas. Se sèrva aisidament dins un refregirator çò que ne facilita la difusion.

Al 31 de març de 2021 sonque tres vaccins son emplegats sul territòri francés los de :

  • Pfizer e BioNTech (vaccin a ARN messatgièr) ;
  • Moderna (vaccin a ARN messatgièr) ;
  • AstraZeneca (vaccin a vector viral).