En França dempuèi lo 9 de junh de 2021 per poder accedir a d'eveniments culturals, sportius o professionals que remosan mai de 1000 personas cal un pass sanitari.
Las disposicions son estadas estendudas a la debuta del mes de julhet e tre lo 21 d'aquel mes aquel pass serà tanben necessari pels eveniments ont mai de 50 personas son presentas.
A la debuta del mes d'agost de 2021 las constrenchas augmentaràn encara e lo pass serà obligatòri pels restaurants, bars, centres comercials, espitals, totes lo luòcs publics ont un nombre important de personas pòdon èsser presentas.
Lo pass sanitari podrà prene diferentas formas.
1 - Aquò podrà èsser lo document qu'atèsta d'un parcors de vaccinacion complet. Serà valable :
- una setmana après la segonda injeccion per los vaccins a dobla injeccion (Pfizer, Moderna, AstraZeneca) ;
- quatre setmanas après l'injeccion per los vaccins a una sola injeccion (Johnson & Johnson) ;
- una setmana après una unica injeccion per los qu'an ja contractat la covid-19.
2 - Lo resultat d'un tèst PCR o antigenic negatiu de mens de 48 oras.
3 - Per los que son estats malautes : un tèst PCR o antigenic positiu de mai de doas setmanas e de mens de siès meses qu'atèsta que la persona es estada malauta.