Lo diluns 30 de mai de 2022 remosats a Brussèlas los dirigents de l'Union Europèa an votat una nòva tièra de sanccions contra Russia, la seisena.
Lo punt mai important e mai discutit foguèt lo ligat a las importacions de petròli, d'unes Estats estant fòrça dependents. Las discussions sus aquel punt son estadas longas, las proposicions de la Comission sul subjècte, datan de la debuta del mes de mai. Lo Conselh es parvenguèt a un acòrd.
Las sanccions decididas van imediatament impactar 75 % de las imporatacions en provenéncia de Russia. A la fin de l'an son 90 % del total de las importancions en provenéncia d'aquel país que seràn enebidas dins l'Union. Aquelas que passan per la mar seràn enebidas totalament, sonque demoraràn, per contentar los Estats mai dependents, qualques liurasons via los oleoducs.
Aquel pack de sanccions, al delà dels impòrts de petròli, enebirà tanben l'usatge del sistèma de pagament Swift a la banca mai importanta de Russia, Sberbank.
Aquelas sanccions an per objectiu de metre la pression sus l'Estat rus per qu'arrèste la guèrra que mena dempuèi lo 24 de febrièr de 2022 contra los Ucraineses.